सय फिट उडेपछि जहाज आकाशतिर जानै सकेन
![](https://radiosudursanchar.com.np/uploads/news/images/1549603471inbound4704481515233713252.jpeg)
सिनामंगलस्थित काठमाडौं मेडिकल कलेजले बुधबार भएको सौर्य एयरलाइन्सको जहाज दुर्घटनामा बाँचेका पाइलट मनिषरत्न शाक्यको अवस्था सामान्य हुँदै गएको जनाएको छ ।
काठमाडौंबाट बुधबार बिहान ११ः११ मिनेटमा प्राविधिक र इन्जिनियर बोकेर पोखराका लागि उडेको ९ एन–एएमई सीआरजे विमान त्रिभुवन अन्तर्राष्ट्रिय विमानस्थलबाट उड्नेबित्तिकै दुर्घटनामा परेको थियो ।
घटनामा को-पाइलट सुशान्त कटुवालसहित १८ जनाको मृत्यु भएको थियो । उक्त घटनामा घाइते भएका पाइलट मनिषरत्न शाक्यको उद्धार गरेर काठमाडौं मेडिकल कलेज शिक्षण अस्पतालमा उपचार जारी छ ।
उक्त दुर्घटनामा परेका क्याप्टेन शाक्यलाई उद्धार गरिएपछि अहिले काठमाडौं मेडिकल कलेज सिनामंगलको सघन उपचार कक्ष (आईसीयू) मा उपचार भइरहेको छ ।
अस्पतालकी निर्देशक प्रा.डा. मीना थापाका अनुसार शाक्यको अनुहारसहितका भागमा चोट लागेको छ । ‘उहाँको अनुहार, आँखा, नाक तथा टाउकोमा चोटहरू छन् । ढाडको एउटा हड्डीका साथै देब्रेतर्फका ३ वटा करङ पनि भाँचिएका छन्’, उनले बिहीबार भनेकी छन्, ‘अनुहार तथा नाक आँखाका चोटहरूको हिजै उपचार भइसकेको छ । हल उहाँको अवस्था सामान्य छ । जटिलता देखिएको छैन ।’
के भने पाइलट शाक्यले?
यसैबीच आईसीयूमा उपचारका क्रममै उनले केएमसीका डाक्टरहरूसँग घटनाको इतिवृतान्त सुनाएका छन् । केएमसीको न्यूरो आईसीयूमा उपचाररत उनी अहिले सामान्य कुराकानी गर्न सक्ने अवस्थामा रहेको थापाले बताइन् । उनकाअनुसार बिहीबार बिहान डाक्टरहरूसँगको कुराकानीमा विमानस्थलको रनवेबाट उचाइ लिनेबित्तिकभै जहाजको नियन्त्रण गुमाएको बृत्तान्त उनले सुनाएका छन् ।
‘जहाज रनवेबाट अघि बढेर करिब १०० फिटमाथि पुगर उचाइमा लैजानै सकिएन । एक्कासि तल खस्न थाल्यो,’ शाक्यको भनाइबारे थापाले भनिन्, ‘जहाज अचानक तल झरेपछि मैले नियन्त्रण गुमाएँ । भुइँमा बजारिएसँगै मैले केही थाहा पाउन सकिनँ ।’
डाक्टरहरूसँगको कुराकानीका क्रममा उनले जहाज तल झरेसँगै आफूलाई एकै पटक एकदमै भारी वस्तुले थिचे जस्तो भएको बताएका छन् । उनले जहाज भुइँमा बजारिएपछि आफू त्यसको फुटिसकेको ककपिटको प्वाँलबाट बाहिर आएको पनि बताएका छन् । शाक्यले ककपिटको प्वाँलबाट बाहिर निस्किने क्रममा आफूलाई कसैले तानेको याद भएको बताए ।
शाक्यलाई सुरक्षाकर्मीले कन्टेनरमा अड्किएको जहाजको ककपिटबाट बाहिर निकालेका थिए । जहाजको मुख्य भाग भने उक्त कन्टेनरबाट अझै तल गएर आगो सल्किएर जलेको थियो ।को-पाइलट सुशासन्त कटुवालसहित १८ जनाको मृत्यु भएको छ । थापाले शाक्यको शरीरभर चोट भएकाले हाडजोर्नी विशेषज्ञ, न्यूरोसर्जन, नाक, कान घाँटी विशेषज्ञको निगरानीमा उपचार भइरहेको बताएकी छन् ।
दुर्घटनास्थलबाट ल्याएलगत्तै केएमसीले क्याप्टेन शाक्यको सिटी स्क्यान, एक्सरे गरेको थियो । बिहीबार एमआरआई गरेर हेरिने उनले बताइन् । हड्डी भाँचिएका स्थानको उपचार भइसकेकाले अब शाक्यको अवस्था खतरामुक्त रहेको पनि उनले बताइन् ।
थापाका अनुसार बिहीबार एमआरआई रिपोर्ट आइसकेपछि शाक्यको स्वास्थ्य अवस्था र उपचारबारे थप निर्णय लिइने छ ।
![](https://radiosudursanchar.com.np/uploads/news/images/thumb266/1508307374inbound4065321938172498096.jpeg)
आज गणेश चतुर्थी मनाइँदै
भगवान् गणेशको पूजा आराधना गरी आज गणेश चतुर्थी पर्व मनाइँदै छ । सत्ययुगमा भदौ शुक्ल चतुर्थीका दिन भगवान् गणेशको जन्म भएको शास्त्रीय मान्यता छ । यस
![](https://radiosudursanchar.com.np/uploads/news/images/thumb266/1611951626inbound6105809393046323639.jpeg)
२१ औँ निजामती सेवा दिवस आज, यस वर्ष पनि भेटिएनन् सर्वोत्कृष्ट कर्मचारी
२१ औँ निजामती सेवा दिवस आज विभिन्न कार्यक्रम गरी मनाइँदैछ । गएको तीन वर्षदेखि निजामती सेवा दिवसका लागि ‘व्यावसायिक र सिर्जनशील प्रशासन : विकास,
![](https://radiosudursanchar.com.np/uploads/news/images/thumb266/825577897inbound1413009495579980161.jpeg)
चेपाङ समुदायको छोनाम अर्थात न्वागी पर्व आज
चेपाङ समुदायले आज छोनाम अर्थात न्वागी पर्व मनाउँदै छन् । चेपाङ समुदायको राष्ट्रिय धार्मिक पर्वका रूपमा हरेक वर्ष भदौ २२ मा यो पर्व मनाउने चलन छ ।
प्रतिकृया दिनुहोस