प्राथमिकताको आधारमा शिक्षक सरुवा गरिने
![](https://radiosudursanchar.com.np/uploads/news/images/1408975107edu-mantralaya.jpeg)
अबदेखि शिक्षक सरुवा प्राथमिकताको आधारमा गरिने भएको छ । शिक्षा विज्ञान तथा प्रविधि मन्त्रालयले स्वीकृत गरेको ‘शिक्षक सरुवासम्बन्धी निर्देशिका, २०८१’ ले शिक्षक सरुवाका लागि विभिन्न प्राथमिकताका आधार तोकेको हो ।
जसअनुसार पहिलो प्राथमिकता कार्यरत रहेको विद्यालयको सम्बन्धित तहमा सबैभन्दा बढी स्थायी सेवा गरेको अवधिलाई मानिएको छ ।
दोस्रो प्राथमिकता बमोजिम प्राथमिकतक्रम निर्धारण हुन नसकेमा हालको पदमा सबैभन्दा बढी स्थायी सेवा गरेको जम्मा अवधिको आधारमा गरिने जनाइएको छ ।
तेस्रो प्राथमिकता पहिलो र दोस्रो बमोजिमसमेत प्राथमिकताक्रम निर्धारण हुन नसकेमा हालको पदको लागि तोकिएको न्यूनतम शैक्षिक योग्यताभन्दा माथिल्लो तहको सम्बन्धित विषयको शैक्षिक योग्यताको प्राप्ताङ्कको प्रतिशत वा ग्रेडको आधारलाई मानिएको छ ।
पहिलो, दोस्रो र तेस्रो बमोजिमसमेत प्राथमिकताक्रम निर्धारण हुन नसकेमा गोला प्रथाबाट छनोट गरेको आधारमा सरुवा गरिने निर्देशिकामा उल्लेख छ ।
प्राथमिकताको लागि तोकिएको मापदण्डको लागि सेवा अवधिको गणना गर्दा सम्बन्धित विद्यालयमा हाजिर भएको मितिदेखिको अवधिलाई गणना गर्नुपर्ने निर्देशिकाले जनाएको छ । त्यसको लागि निवेदक शिक्षकहरूको प्राथमिकताक्रम सूची तयार पारी प्रधानाध्यापकले प्रमाणित गर्नुपर्नेछ ।
सरुवाका लागि निवेदन दिने म्याद समाप्त भएको मितिले तीन दिनभित्र प्राथमिकताक्रम सूचीमा सबैभन्दा अगाडिको प्राथमिकताक्रममा परेका निवेदक शिक्षकलाई विद्यालयबाट निर्णय गरी सरुवा सहमति प्रदान गर्नुपर्नेछ ।
शिक्षक सरुवाका लागि सहमति दिँदा वा सरुवा गर्दा शिक्षकबाट कुनै पनि प्रकारको शुल्क वा सहयोग लिन वा दिन नपाइने मन्त्रालयले जनाएको छ ।
मन्त्रालयले स्वीकृत गरेको ‘शिक्षक सरुवासम्बन्धी निर्देशिका, २०८१’ सरुवाका लागि सहमित दिँदा वा सरुवा गर्दा शिक्षकबाट कुनै पनि प्रकारको शुल्क वा सहयोगको रूपमा नगद वा जिन्सी लिनुदिनु नहुने उल्लेख गरिएको छ ।
यदि निर्देशिका विपरीत कसैले शुल्क वा सहयोग लिएको पाइएमा लिने, दिने दुवैलाई कानून बमोजिम कारवाहीको प्रक्रिया अगाडि बढाइने मन्त्रालयले जनाएको छ ।
![](https://radiosudursanchar.com.np/uploads/news/images/thumb266/889013405inbound8080804586486375069.jpeg)
नेपाल प्रहरीका २८९ लेखापालको सरुवा
प्रहरी प्रधान कार्यालयले लेखापालहरुको सरुवा गरेको छ । एउटा कार्यालयमा दुई वर्ष काम गरेका र लेखापालको पदावधि साढे ५ वर्ष पुरा गरेकाहरूलाई सरुवा
![](https://radiosudursanchar.com.np/uploads/news/images/thumb266/1482160524inbound1290976908395256113.jpeg)
सुदूरपश्चिमसहितका यी प्रदेशमा भारी वर्षाको सम्भावना
अहिले देशभर मनसुनी वायुको प्रभाव रहेको र मनसुनको न्यून चापीय रेखा सरदर स्थानको आसपास अवस्थित रहेको मौसम पूर्वानुमान महाशाखाले जनाएको छ
![](https://radiosudursanchar.com.np/uploads/news/images/thumb266/2141599518inbound2988762353768070077.jpeg)
विमान दुर्घटनामा मृ*त्यु भएका ५ जनाको शव परिवारलाई बुझाइयो
सौर्य एयरलाइन्सको बिमान दुर्घटनामा मृत्यु भएका पाँच जनाको शव परिवारजनले बुझेका छन् । शुक्रबार शव परीक्षण सकिएकाले उनिहरुको शव परिवारजनलाई
प्रतिकृया दिनुहोस