बेलौरी : लागूऔषध सहित दुई जना पक्राउ

२०८१ भदौ १८ मंगलबार

बेलौरी, कञ्चनपुर -

कञ्चनपुरमा लागूऔषध ब्राउन सुगर सहित दुई जना पक्राउ परेका छन् ।

जिल्लाको बेलौरी नगरपालिका–१० सडकघाटको काठ मिल नजिकबाट सोही ठाउँका २४ वर्षीय बिकास चौधरी र ३२ वर्षीय खेमबहादुर थापा पक्राउ परेका हुन् ।

इलाका प्रहरी कार्यालय बेलडाँडीका प्रहरी निरीक्षक कृष्ण कुँवरका अनुसार हिजो (सोमबार) साँझ इलाका प्रहरी कार्यालय बेलडाँडीबाट खटिएको प्रहरी टोलीले १ दशमलव १५ मिलिग्राम ब्राउन सुगरसहित उनीहरुलाई पक्राउ गरेको हो ।

पक्राउ परेका दुवै जनामाथि थप अनुसन्धान भइरहेको प्रहरीले जनाएको छ ।