'श्रमाधान रोजगार मेला' धनगढीमा शुरु हुँदै
![](https://radiosudursanchar.com.np/uploads/news/images/573163217rojgar_final__one_1fcVPfuhSn.jpeg)
रोजगारदाता र श्रमिकबीच सम्बन्ध जोड्ने उद्देश्यले सुदूरपश्चिम प्रदेशको धनगढीमा 'श्रमाधान रोजगार मेला' शुरु हुँदैछ । आज र भोलि दुई दिन मेला चल्नेछ । श्रम, रोजगार तथा सामाजिक सुरक्षा मन्त्रालय, सुदूरपश्चिम प्रदेश सरकार, धनगढी उपमहानगरपालिका र नेपाल तालिम तथा रोजगार व्यवसायी महासङ्घ सुदूरपश्चिमको संयुक्त आयोजनामा मेला हुन लागेको हो ।
उद्योगमन्त्री दामोदर भण्डारीले मेलाको उद्घाटन गर्ने तयारी छ । मेलाले रोजगारीका अवसर सृजना गर्ने, सीप विकास प्रवर्द्धन गर्ने, उद्यमशीलतालाई प्रोत्साहन गर्ने, आर्थिक वृद्धिलाई उत्प्रेरित गर्ने, युवा सशक्तिकरण गर्ने र सार्वजनिक नीजि साझेदारी अभिवृद्धि गर्ने विश्वास छ । श्रम कार्यालय कैलालीका कार्यालय प्रमुख जनक सिम्खडाले धनगढीमा हुन लागेको मेलामा ३५ नीजि क्षेत्रका स्टल रहने जानकारी दिनुभयो ।
मेलामा सुरक्षित आप्रवासन रोजगारीका लागि कार्यस्थलमा आधारित सिकाइ, वैदेशिक रोजगारीका चुनौती, अवसर र प्रभाव, वैदेशिक रोजगारीमा स्वच्छ भर्ना प्रक्रिया, अन्तर्राष्ट्रिय श्रम सम्बन्ध र कानुन, सामाजिक सुरक्षा एवम् आन्तरिक रोजगारीलगायत विषयमा कार्यशाला सञ्चालन हुने छ । सरकारले गएको १७ गतेदेखि सातै प्रदेशमा मेला आयोजना गरेको हो । यसअघि कोशी, मधेश, गण्डकी, लुम्बिनी र कर्णालीमा मेला भैसकेको छ ।
![](https://radiosudursanchar.com.np/uploads/news/images/thumb266/523450886inbound2475948209887839939.jpeg)
अनुदान नपाएपछि उखुखेती घट्दै
कैलाली - नगदेबालीका रुपमा खेती हुँदै आएको उखुबारीको क्षेत्र विस्तार हुन सकेको छैन । उखुखेतीमा संलग्न किसानलाई बिउ, मललगायत आवश्यक सामग्रीमा
![](https://radiosudursanchar.com.np/uploads/news/images/thumb266/37093582inbound7200779556785449689.jpeg)
१६ वर्षदेखि पुनःस्थापनाको पर्खाइमा मुक्त हलिया
हलिया मुक्ति घोषणा भएको शुक्रबार १६ वर्ष पूरा भएको छ । नेपाल सरकारले विसं २०६५ भदौ २१ गते हलिया मुक्तिको घोषणा गरेको १६ वर्ष भइसक्दा पनि उचित
![](https://radiosudursanchar.com.np/uploads/news/images/thumb266/1372771412inbound4880805507436138490.jpeg)
अखिल क्रान्तिकारी दोधाराचाँदनी नगरको अध्यक्षमा सुनार
कञ्चनपुर - अखिल क्रान्तिकारी दोधाराचाँदनी नगरको अध्यक्षमा विशाल सुनार चयन भएका छन् । नेकपा माओवादी केन्द्र निकट अखिल क्रान्तिकारी
प्रतिकृया दिनुहोस