सेन्सर बोर्डले रोक्यो फिल्म ‘रंगेली’

२०८० फागुन १८ शुक्रबार

केन्द्रीय चलचित्र जाँच समिति (सेन्सर बोर्ड)ले फिल्म ‘रंगेली’को शीर्षकमा आपत्ति जनाउँदै सेन्सर पासको प्रमाणपत्र दिन अस्वीकार गरेको छ ।

यस विषयमा समितिमा गृह मन्त्रालयको प्रतिनिधित्व गर्ने सेन्सर बोर्डका सदस्य एकदेव अधिकारीले शीर्षकको संवेदनशीलतालाई लिएर आफूहरुले यस्तो कदम लिएको बताए ।

रंगेली नगरपालिकामा फिल्म खिचेकाले स्थानीय सरकारको सहमति छ कि छैन भनेर हामीले बुझ्न खोजेका हौं । यसबारे हामी छलफलकै क्रममा छौं । छायांकन भएको थलोको सहमति पत्र ल्याएपछि मात्र उहाँहरुले प्रमाणपत्र पाउनुहुन्छ,’ उनले भने ।

उनले फिल्मको विषयवस्तु र गुणस्तरभन्दा पनि शीर्षकप्रति आफूहरुको चासो रहेको बताए । सेन्सर बोर्डका अर्का सदस्य ऋषिराज आचार्यले ठाउँको संवेदनशीलतालाई लिएर आफूहरुले कन्सेन्ट पेपर खोजेको बताए ।