दयाहाङ र मिरूनाको 'घर ज्वाई' को छायांकन सुरु

२०८० फागुन ६ आइतबार

अभिनेता दयाहाङ राई र अभिनेत्री मिरूना मगरले फिल्म घर ज्वाई को छायांकन सुरू गरेका छन् ।

निर्माता जनक घर्ती मगरका अनुसार शनिबार पूर्वी रुकुमको लुगममा क्यामरा पूजा गर्दै छायांकन थालिएको हो । मगर संस्कृतिमा आधारित हुने फिल्म पूर्वी रुकुमको लगुम, तकसेरा, ढोरपाटनलगायतका स्थानमा खिचिने छ। करिब ३५ दिनको सेड्युल राखिएको छ ।

अनिल बुढामगर निर्देशित फिल्ममा दयाहाङ र मिरूनासँगै बुद्धि तामाङ, शिशिर वाङ्देल, पुस्कर गुरुङ, भोला सापकोटा, राज थापा काउचा, कविता आले, शिला आले, अनु थापा, बिना मगर, खडुगबहादुर पुन (खबपु), सोनाम लामा, विवेश बुढा, सुनील मगरलगायत कलाकारको अभिनय रहनेछ ।

यो फिल्म असार २८ गतेदेखि प्रदर्शन हुनेछ ।