श्रीलङ्काको राष्ट्रपतीय चुनावको प्रारम्भिक मतगणना अनुसार वामपन्थी नेसनल पिपुल्स पावर गठबन्धनका उम्मेदवार अनुरा कुमारा दिसानायकेले अग्रता लिनुभएको छ । १० लाख मतगणना हुँदा दिसानायकेले ५३ प्रतिशत मत पाउनुभएको रोयटर्सले जनाएको छ ।

यस्तै श्रीलङ्काको विपक्षी दलका नेता सजिथ प्रेमदासाले २२ प्रतिशत मत प्राप्त गर्नुभएको छ । एक करोड ७० लाख मतदाता रहेकोमा हिजो सम्पन्न चुनावमा झन्डै ७५ प्रतिशत मत खसेको श्रीलङ्काको निर्वाचन आयोगले जनाएको छ । राष्ट्रपतीय चुनावमा ३८ जना उम्मेदवार छन् । तर मुख्य प्रतिस्पर्धा भने चार उम्मेदवार वर्तमान राष्ट्रपति रनिल विक्रमासिंघे, अनुरा कुमारा दिसानायके, सजिथ प्रेमदासा र नमल राजापाक्षबीच हुने सर्वेक्षणले देखाएका छन् ।

विक्रमासिंघे यसअघि दुई पटक राष्ट्रपतिमा पराजित भइसक्नुभएको छ । आर्थिक सङ्कटका कारण देशव्यापी प्रदर्शनपछि तत्कालीन राष्ट्रपति गोटाबाया राजापाक्षले देश छाडेर भागेपछि विक्रमासिंघे संसदबाट कार्यवाहक राष्ट्रपति बन्नुभएको हो । चुनावी मत सर्वेक्षणले झन्डै ४८ प्रतिशत मतसहित दिसानायके पहिलो स्थानमा रहेको देखाएका छन् ।

राष्ट्रपतिमा निर्वाचित हुन उम्मेदवारले ५० प्रतिशतभन्दा बढी मत ल्याउनुपर्ने व्यवस्था छ । कुनै पनि उम्मेदवारले ५० प्रतिशतभन्दा बढी मत नल्याएको खण्डमा सबैभन्दा बढी मत पाउने दुई उम्मेदवारबीच हुने दोस्रो चरणको मतदातबाट राष्ट्रपति निर्वाचित हुनेछन् । श्रीलङ्कामा सन् २०२२ को आर्थिक सङ्कटपछि पहिलो पटक राष्ट्रपतीय चुनाव भएको हो ।    

शान्तिपूर्ण निर्वाचनबारे विश्वस्त छैन् : बाइडेन

अमेरिकी राष्ट्रपति जो बाइडेनले अर्को महिना हुने अमेरिकी राष्ट्रपति चुनाव शान्तिपूर्ण हुने कुरामा विश्वस्त नभएको बताएका छन ।   सञ्चारकर्मीसँग

रुसले आउँदो वर्ष रक्षा खर्च ३० प्रतिशतले बढाउने

रुसले आउँदो वर्ष आफ्नो रक्षा खर्च ३० प्रतिशतले बढाउने भएको छ । रुसको रक्षा बजेट सन् २०२५ मा एक सय ३५ खर्ब रुबल अर्थात एक खर्ब ४५ अर्ब डलरको हुने हिजो

श्रीलङ्कामा नयाँ राष्ट्रपति चयनका लागि मतदान चल्दै

श्रीलङ्कामा नयाँ राष्ट्रपति चयनका लागि आज मतदान भइरहेको छ । त्यहाँ सन् २०२२ मा भएको आन्दोलनपछि नयाँ राष्ट्रपति चुन्न आज मतदान भएको हो