अबको तीन दिन कर्णाली, महाकाली र यसका सहायक नदीहरूमा बाढीको जोखिम हुने भएकाले त्यस आसपासका बासिन्दालाई उच्च सतर्कता अपनाउन बाढी पूर्वानुमान महाशाखाले आग्रह गरेको छ ।

आज बिहानैदेखि कञ्चनपुर, कैलाली, बर्दियालगायत ठाउँमा मध्यमदेखि ठूलो वर्षा भएको छ । ठूलो वर्षा भएका ती ठाउँका नदीहरूमा आकस्मिक बाढीको जोखिम हुन सक्ने महाशाखाले जनाएको छ ।

त्यस्तै आज बर्दिया, कैलाली, कञ्चनपुर, डडेलधुरा, बैतडी, दार्चुला, डोटी र आसपासका जिल्ला भई बहने केही स–साना नदीहरुको बहाव उल्लेख्य बढ्ने भएकाले नदी तटीय क्षेत्रमा कुनै पनि क्रियाकलाप नगर्न र त्यस क्षेत्र आसपास उच्च सतर्कता अपनाउन महाशाखाले सुचना निकालेर अनुरोध गरेको छ ।

त्यस्तै दोलखा, सिन्धुपाल्चोक, बारा, पर्सा, चितवन, नवलपरासी, कपिलवस्तु, रुपन्देही, दाङ, बाँके, सल्यान, सुर्खेत, दैलेख, अछाम, बाजुरा, बझाङ र आसपास जिल्ला भई बहने केही स–साना नदीहरुको बहाव उल्लेख्य बढ्ने सम्भावना भएकाले नदी तटीय क्षेत्रका बासिन्दालाई सतर्कता अपनाउन आग्रह गरिएको छ ।

महाशाखाका अनुसार अबको तीन दिन कोशी, बाग्मती, गण्डकी प्रदेश भई बहने स–साना नदीहरुमा पनि बाढीको जोखिम छ । 

अमेरिकाले माग्यो नेपालले सहायता चाहेका क्षेत्रको विवरण

नेपाल–अमेरिका व्यापार तथा सम्झौता परिषद्को सातौँ बैठक सम्पन्न भएको छ । काठमाडौँमा भएको बैठकमा अमेरिकाका तर्फबाट दक्षिण तथा मध्य एसियाका लागि

आज संविधान दिवस मनाइदैं

आज संविधान दिवस ०८१ कञ्चनपुर सहित देशभर दिवस मनाईदै छ । देशभर विविध समाजिक कार्यक्रम गरेर संविधान दिवस मनाईदैछ ।  संघीय लोकतान्त्रिक गणतन्त्र

आज राष्ट्रिय शिक्षा दिवस, पदक पाउनेको नाम सार्वजनिक गरिँदै

शिक्षा, विज्ञान तथा प्रविधि मन्त्रालयले राष्ट्रिय शिक्षा दिवसको अवसरमा आज विभिन्न पदक पाउनेको नाम सार्वजनिक गर्ने भएको छ । तर विद्या भूषण पाउनेहरूको