हामी बेदाग विजयी भएर बाहिरियाैं : प्रचण्ड

२०८१ श्रावण ९ बुधबार

नेकपा माओवादी केन्द्रका अध्यक्ष पुष्पकमल ‘दाहाल’ले माओवादीको सरकारबाट आफूहरु बेदाग विजयी भएर बाहिरिएको बताएका छन् ।

नेकपाका संस्थापक नर बहादुर कर्माचार्यको ११ औं स्मृति दिवसको अवसरमा सम्बोधन गर्दै उनले आम जनता र कार्यकर्तामा निराशा नभई विजयी भएर बेदाग निस्किएको बताएका हुन् ।

उनले आफूहरुलाई गिरिबन्धु, ओम्नी, भुटानी काण्डमा दागरहित ति गतिविधिकाविरुद्ध संर्षघ गर्दागर्दै निस्कनुपरेको कुरा जनताले बुझेको बताए ।

उनले भने, ‘हामीहरुलाई त्यस्ताे ठूलाे गिरिबन्धु, ओम्नी, भुटानी काण्डमा दागरहित रह्याै‌ं । ति गतिविधिकाविरुद्ध संर्षघ गर्दागर्दै निस्कनुपरेको कुरा जनताले बुझेका छन् ।यसकारण हामीलाई जनतामाझ संगठन विस्तार गर्ने अवसर मिलेको छ । अब हामी सरकार भन्ने ध्यान छैन अब जनतामा जाने याेजना छ ।’

प्रचण्डले भ्रष्टाचारमा लिप्त हुनेहरुको लागि काण्डमा अनुसन्धान अघि बढाएकाे सह्य नभएकाे दाबी गरे । सरकार छोड्दा पनि आफना कुरालाई सशक्त रुपले संसदमा राखेर बैचारिक राजनीतिक र सरकारबाट गर्न सकिने र गर्न पर्ने कुराहरु गर्दा गर्दै विजेताको रुपमा बाहिर आएकाे उनकाे भनाइ छ ।

उनले भने,’ भ्रष्टाचारमा लिप्त हुनेहरुको लागि त्यो सह्य भएन ।सुशासनको पक्षमा माओवादी नेतृत्वको सरकारले खेलिरहेको भूमिका सह्य भएर र निकै सयन्त्रमुलक र अपारदर्शी ढंगले, विचौलियाहरुको पहलमा नै नयाँ गठबन्धन बनाइयो । र उनीहरुको हितमा नै यसले काम गर्छ भन्ने कुरा हामीले भनिराख्नु पर्दैन । अहिले समाजमा पनि यो कुरा छलङगै जस्तो छ। हामी सरकार छोड्दा पनि आफना कुरालाई सशक्त रुपले संसदमा राखेर हामी बैचारिक राजनीतिक र सरकारबाट गर्न सकिने र गर्न पर्ने कुराहरु गर्दा गर्दै विजेताको रुपमा हामी बाहिर आयौं । जो सरकारमा गएका छन् उनीहरु पराजित मानसिकतामा छन् । उनीहरु रक्षात्मक र हामी आक्रमक ढंगले आफना कुराहरुलाई राख्ने स्थिति बनेको छ ।

यो सरकारले भ्रष्टाचारीलाई कारबाही गर्दै गरेको दुई जना गिरप्तार भएपछि नै यो तीव्र भएको होकी भनेर जनताले बुझेका छन् । राजनीतिक रुपले हाम्रो लागि राम्रो आधार बनेको छ जनतामा । त्यसलाई हामीले संगठनमा बदल्नु छ ।’

संविधानमाथि खेलबाड गर्न खोज्नेको नेतृत्वमा सरकार रहेकाे भन्दै उनले फेरि त्यस्ताे नहाेला भन्न नसकिने भन्दै चिन्ता व्यक्त गरे ।

‘विगतमा संविधानमाथि खेलबाड गर्न खोज्नेको नेतृत्वमा सरकार छ , फेरि त्यस्तो नहोला भन्न सकिन्न । हामी अब सरकार केन्द्रित हैन जनता केन्द्रित हुन्छौं । केही परिआएको खण्डमा सडकमा जनता लाई ल्याएर प्रतिवाद गर्न पनि पछि पर्दैनौं ।’ उनले भने ।