कञ्चनपुर T-20 : मालिकार्जुन हार्डवेयर र सुदूरपश्चिम हाेस्टेल फाइनलमा प्रवेश

२०८१ कार्तिक ३ शनिबार

बेलाैरी, कञ्चनपुर -

बेलाैरी नगरपालिका १० शिवनगरमा जारी कञ्चनपुर टी – ट्वान्टी क्रिकेट प्रतियोगिताको फाइनलमा कैलालीका दुई टिम एक-आपसमा प्रतिस्पर्धा गर्ने भएका छन् ।

शुक्रबार भएको खेलमा सुदूरपश्चिम होस्टेल धनगढी र मालिकार्जुन हार्डवेयर अत्तरिया फाइनल प्रवेश गरेका हुन् ।

खेलमा सुदूरपश्चिम होस्टेल धनगढीले सुप्रीया सुपरफास्ट भुडालाई २८ रनले पराजित गर्दै फाइनलमा प्रवेश गरेको आयाेजकले जनाएको छ ।

टच जितेर पहिले ब्याटिङ राेजेकाे सुदूरपश्चिम धनगढीले १९.१ ओभरमा १० विकेट गुमाउँदै १ सय ३६ रन बनाएको थियो ।

भने १ सय ३७ रनको लक्ष्य पाएको भुडाले १७.१ ओभरमा आफ्ना सबै विकेट गुमाउँदै १ सय ८ रनमै खुम्चियाे ।

त्यस्तै दोस्रो सेमिफाइनल खेलमा मालिकार्जुन हार्डवेयर प्रा.लि अत्तरियाले खप्तड इण्डोर स्पोर्ट्स सेन्टर महेन्द्रनगरलाई ९७ रनले पराजित गर्दै फाइनलमा प्रवेश गरेको हाे ।

टच जितेर पहिले ब्याटिङ गरेको अत्तरियाले २० ओभरमा ९ विकेट गुमाउँदै १ सय ८२ रन बनाएको थियो । भने १ सय ८३ रनको लक्ष्य पाएको महेन्द्रनगरले १२.४ ओभरमा सबै विकेट गुमाउँदै ८५ रन मात्र जोड्न सक्यो ।

प्रतियोगिताको फाइनल खेल आइतबार बिहान ११ बजे देखि सुरुहुने बताइएको छ । गतसाता देखि सुरु भएको उक्त टी २० क्रिकेट प्रतियोगितामा सुदूरका १६ टिमले सहभागीता जनाएका थिए ।

प्रतियोगितामा विजेता टिमलाई १ लाख र उपविजेता टिमलाई ५० हजार नगद सहित ट्रफी मेडल र प्रमाणपत्र प्रदान गरिने आयाेजकले जनाएको छ ।