‘घरज्वाइँ’को सुखद ओपनिङ
दयाहाङ राई स्टारर ‘घरज्वाइँ’ले घरेलु बक्सअफिसमा सुखद ओपनिङ गरेको छ । शुक्रबारीय अकुपेन्सी ५० प्रतिशत हाराहारीमा थियो जुन सुखद हो ।
शुक्रबार अपरान्ह र सन्ध्याकालिन शोज खचाखच थिए । शनिबार फिल्मको अकुपेन्सीमा बढोत्तरी हुने अनुमान गर्न सकिन्छ । खासगरि दिउँसो, अपरान्ह र बेलुकाका शोजमा अकुपेन्सी बढ्ने देखिन्छ ।
काठमाडौं, भक्तपुर र ललितपुरसहित पोखरा, नारायणगढ सहरका हलमा अकुपेन्सी राम्रो देखिएको छ । शुक्रबारका बिहानी शोमा झरीले असर गरेपनि मौसममा सुधार आएपछि दिउँसोबाट फुटफलमा वृद्धि देखियो ।
फिल्मका निर्माता, निर्देशक र कलाकारले फिल्मको हाउसफूल भएका हलको स्क्रिन सट् सामाजिक संजालमा सेयर गर्दै दर्शकलाई धन्यवाद दिएका छन् ।
निर्माता जनक घर्ती मगरले शुक्रबारका बिहानी शोमा पानीले केही असर गरेपनि दिवा शोबाट दर्शकको चाप रहेको बताए । ‘दिउँसोदेखि दर्शकको चाप बढेको छ । जसले गर्दा दयाहाङ र मिरुनाको जोडीलाई दर्शकले रुचाएको प्रमाणित हुन्छ’ घर्तीले भने ।
अनिल बुढामगर निर्देशित फिल्मले मगर समुदायको घरज्वाइँ परम्पराको कथा भन्छ । प्रेम, संस्कृति र सम्बन्धको कथा बुनिएको यो फिल्मले समग्रमा सकारात्मक समीक्षा प्राप्त गरेको छ ।
पूर्वीरुकुमको तकसेरामा छायांकन गरिएको फिल्मलाई सुसन प्रजापतिले खिचेका हुन् । पटकथा लेखनमा विनोद खतिवडा र सुभास कोइरालासहित निर्देशक बुढाको सहकार्य छ ।
फिल्ममा बुद्धि तामाङ, पुष्कर गुरुङ, शिशिर बाङ्देल, भोलाराज सापकोटा, खड्कबहादुर पुन (खबपु), राज थापा, कविता आले, शिला आले, अनु थापा, बिना थापा मगर, सोनाम लामा, बिबेश बुढा मगर, सुनिल मगरको अभिनय छ ।
अमेरिकामा ‘बेहुली फ्रम मेघौली’ पुनः प्रदर्शन सुरु
अमेरिकामा रहेका नेपाली चलचित्र प्रेमीहरूका लागि खुसीको खबर छ। अत्यधिक मागका कारण नेपाली चलचित्र ‘बेहुली फ्रम मेघौली’ पुनः अमेरिकाका विभिन्न
'पुष्पा २' रिलिजअगावै 'पुष्पा ३' निर्माण घोषणा!
दक्षिण भारतीय अभिनेता अल्लू अर्जुनको बहुप्रतिक्षित फिल्म 'पुष्पा २: द रूल' प्रदर्शनको तयारीमा छ। यो फिल्म डिसेम्बर ५ देखि हलमा प्रदर्शन
चलचित्र ‘राजागन्ज’ चैत्र १ गतेबाट प्रदर्शनमा आउने
फिल्म ‘राजागन्ज’ आगामी चैत्र १ गतेबाट सार्वजनिक प्रदर्शनमा आउने भएको छ । भेनिस, बुसानलगायतका अन्तर्राष्ट्रिय फेस्टिभलमा ‘पूजा सर’को नामले
प्रतिकृया दिनुहोस