कञ्चनपुरमा बाढीकाे वितण्डा : चार जनाकाे मृत्यु, एक अझै बेपत्ता

२०८१ असार २४ सोमबार

कञ्चनपुर :

कञ्चनपुरमा ४ दिनदेखि परेकाे अविरल वर्षाका कारण बाढीमा परि ४ जनाकाे मृत्यु भएको छ । भने एक जना युवक अझै बेपत्ता छन् ।

साेमबार बिहान राताेखोला तालमा नुहाउने क्रममा डुबेर बेपत्ता पुनर्वासकी आरती बाेगटीकाे मृत अवस्थामा शव फेला परे संगै मृतककाे संख्या ४ पुगेकाे हाे ।

आरती संगै पुनर्वास–५ को रातोखोला तालमा संगै पाैडि खेल्ने क्रममा डुबेर १५ वर्षीया लक्ष्मी बोगटी र १६ वर्षीया सृजना बोगटीको यस अघिनै मृत्यु भएको थियाे । भने तालमा डुबेर आरती बोगटी वेपत्ता भएकी थिईन ।

उनकाे शब अपराहन्न ४ बजे फेला परे संगै पाेष्ट मार्टमका लागि सेती प्रादेशिक अस्पताल लगिएको जिल्ला प्रहरी कार्यालय कञ्चनपुरका प्रवक्ता प्रहरी नायव उपरिक्षक उमेश जाेशीले बताए ।

यस अघि कृष्णपुरका सात महिने बालककाे मृत्यु भएकाे थियाे । भने बेलडाँडी गाउँ पालिकाकाे चाैधर नदिमा माछा मार्न गएका एक जना युवक अझै बेपत्ता छन् ।

उनको खाेजी कार्य जारी रहेको प्रहरीले जनाएको छ । भने बाढीले कञ्चनपुर जिल्लाकाे जन जीवन प्रभावित भएको छ ।