बेलाैरी, कञ्चनपुर -

आइतबार सुदूरपश्चिम प्रदेशका चारवटा मन्त्रालय फुटाएर ५ बिना विभागीय मन्त्रीलाई जिम्मेवारी प्रदान गरिएको छ ।

मुख्यमन्त्री दीर्घबहादुर सोडारीले भौतिक पूर्वाधार विकास मन्त्रालय, सामाजिक विकास मन्त्रालय, भूमि व्यवस्था कृषि तथा सहकारी मन्त्रालय र उद्योग पर्यटन वन तथा वातावरण मन्त्रालय फुटाएर ५ बिना विभागीय मन्त्रीको जिम्मेवारी हेरफेर गरेका हुन् ।

आन्तरिक मामिला तथा कानुन मन्त्रालय र आर्थिक मामिला मन्त्रालय भने यथावत् राखिएको छ।

भौतिक पूर्वाधारलाई फुटाएर जलस्रोत तथा सहरी विकास मन्त्रालय र भौतिक पूर्वाधार तथा यातायात विकास मन्त्रालय बनाइएको छ भने सामाजिक विकास मन्त्रालय फुटाएर शिक्षा युवा तथा खेलकुद र स्वास्थ्य महिला तथा बालबालिका मन्त्रालय बनाइएको मन्त्रालय स्रोतले जनाएको छ ।

त्यस्तै, उद्योग पर्यटन वन तथा वातावरण मन्त्रालय र भूमि व्यवस्था कृषि तथा सहकारी मन्त्रालयका महाशाखा एक अर्कामा गाभ्दै नयाँ मन्त्रालय बनाइएको छ । जसमा वन वातावरण तथा सहकारी मन्त्रालय, कृषि तथा भूमि सुधार मन्त्रालय, उद्योग वाणिज्य पर्यटन तथा संस्कृति मन्त्रालय बनाइएको हाे ।

मुख्यमन्त्री सोडारीले नेकपा एमालेका वीरबहादुर थापा पातललाई वन वातावरण तथा सहकारी मन्त्रालयको जिम्मेवारी प्रदान गरेका छन् । 

भने अक्कलबहादुर रावललाई जलस्रोत तथा सहरी विकास मन्त्रालय, लक्ष्मी विकलाई शिक्षा युवा तथा खेलकुद मन्त्रालयको जिम्मेवारी दिएका छन् । यस्तै हिरा सार्कीलाई आन्तरिक मामिला तथा कानुन मन्त्रालयकाे जिम्मेवारी प्रदान गरिएको हाे ।

यस्तै, नेकपा एकीकृत समाजवादीकी माया पन्तले उद्योग वाणिज्य पर्यटन तथा संस्कृति मन्त्रालयको जिम्मेवारी पाएकी छन् ।

नागरिक उन्मुक्ति पार्टीका कैलाश चौधरीले भौतिक पूर्वाधार तथा यातायात मन्त्रालय, टीका थापाले कृषि तथा भूमि सुधार मन्त्रालय, माओवादी केन्द्रका ओमविक्रम भाट सरल स्वास्थ्य महिला तथा बालबालिका मन्त्रालयको जिम्मेवारीमा रहेका छन् ।

कुतियाकवरवासीलाई सेनाको ‘सुरक्षित घर’

कञ्चनपुर-   कञ्चनपुरको दोधारा–चादँनी नगरपालिका–१० कुतियाकवरकी अम्बिका सुनारलाई बर्सेनि बाढीको त्रास रहन्थ्यो । कुतियाकवर महाकाली र जोगबुढा

बेलौरी : चार विद्यालयका शतप्रतिशत विद्यार्थी उर्तिण, वात्सल्यका रोहितको हाईष्ट जीपीए

चन्द्रिका चौधरी / बेलाैरी, कञ्चनपुर -  माध्यामिक शिक्षा परीक्षा (एसइई) मा कञ्चनपुरको बेलौरी नगरका चार विद्यालयले शत प्रतिशत नतिजा ल्याएका छन्

बेलाैरीमा नगरस्तरीय प्रधानाध्यापक संघ नेपाल गठन, अध्यक्षमा भण्डारी

चन्द्रिका चाैधरी / बेलाैरी, कञ्चनपुर -    कञ्चनपुरको बेलाैरी नगरपालिकामा नगर स्तरीय प्रधानाध्यापक संघ नेपाल (PAN) गठन गरिएको छ ।  आइतबार बेलाैरी