लागू औषध सहित तीन युवक पक्राउ

२०८१ बैशाख १६ आइतबार

कञ्चनपुर-

कञ्चनपुरको भीमदत्त नगरपालिका क्षेत्रबाट लागू औषध सहित तीन युवक पक्राउ परेका छन ।

शनिबार एकै दिन लागू औषध नियन्त्रण ब्यूरो शाखा महेन्द्रनगर र जिल्ला प्रहरी कार्यालय कञ्चनपुरको संयुक्त टोलीले तीन युवकलाई पक्राउ गरेको हो ।

प्रहरी स्रोतका अनुसार खैरो हिरोईन सहित भीमदत्त नगरपालिका ६का हरि जोशी, दार्चुला घर भई महेन्द्रनगर बस्दै आएका गोबिन्द धामी, आनसिह साउदलाई पक्राउ गरिएको छ ।

जोशीको साथबाट २१०मिनिग्राम खैरो हिरोईन, धामी र साउदको साथबाट १ग्राम ८६०मिनिग्राम लागू औषध बरामद गरिएको छ ।

लागू औषध नियन्त्रण ब्यूरो शाखाका प्रह पदम सिह विष्टको कमाण्डमा गएको टोलीले उनीहरुलाई पक्राउ गरेर थप अनुसन्धानका लागि जिल्ला प्रहरी कार्यालय कञ्चनपुर पठाएको छ ।

पछिल्ला दिनहरुमा लागू औषध तस्कर बिरुद्धमा ब्यूरोले सकृयतापूर्वक कार्बाही गर्दै आएको छ ।