कञ्चनपुर : भिमदत्तका वडाध्यक्ष थापाद्वारा साइकल वितरण

२०८१ श्रावण २९ मंगलबार

कञ्चनपुर -

कञ्चनपुरको भीमदत्त नगरपालिकाको एक वडा कार्यालयले महिला स्वास्थ्य स्वयंमसेविका र कार्यालय सहयोगीलाई साईकल वितरण गरेको छ ।

भीमदत्त नगरपालिका ११ नम्बर वडा कार्यालयले महिला स्वास्थ्य स्वयंमसेविका र कार्यालय सहयोगीलाई साईकल वितरण गरेको हो ।

भीमदत्त नगरपालिका ११का वडाध्यक्ष प्रकाश थापाले गत आर्थिक वर्ष ०८०/०८१ कै योजना अनुरुप वडा कार्यालयले महिला स्वास्थ्य स्वयंमसेविका र कार्यालय सहयोगीलाई साईकल वितरण गरेको बताए ।

वडाध्यक्ष थापाले ९ महिला स्वास्थ्य स्वयंसेविका र २ महिला कार्यालय सहयोगीलाई एक/एक साईकल वितरण गरिएको जनाए । वडाध्यक्ष थापाले यसबाट महिला स्वास्थ्य स्वयंमसेविका र सहयोगी कर्मचारीहरुलाई दैनिक कामकाजमा सहजता हुने विश्वास व्यक्त गरे ।

साईकल पाएपछि महिला स्वास्थ्य स्वयंमसेविका र सहयोगी कर्मचारी हर्षित भएका छन् । उनीहरुले दैनिक कार्यालय देखि जनताको काममा खटिन सहज हुने बताउँदै वडाध्यक्ष थापालाई धन्यवाद व्यक्त गरेका छन् ।