ताजा समाचार

News

अाज सन्दीपकाे टिमले बंगाल टाइगर्ससँग खेल्दै, बाँकी दुबै खेल जित्नुपर्ने प्लेअफमा पुग्न

२०७५ मङ्सिर १४ शुक्रबार
image not found

यूएईमा जारी टी–१० क्रिकेट लिग अन्तर्गत सुपर लिगमा शुक्रबार सन्दीप लामिछानेको केरला नाइट्सले बंगाल टाइगर्ससँग खेल्दैछ । 

सारजाहमा हुने खेल नेपाली समय अनुसार साँझ सवा ५ बजेबाट सुरु हुनेछ । सुपर लिगमा ५ खेलमा तीनमा हार ब्यहोरेको सन्दीपको टिम केरलाले प्लेअफमा पुग्न बाँकि दुई खेल जित्नै पर्नेछ भने अरु टिमको नजितामा पनि भर पर्नुपर्ने हुन्छ ।

प्रतियोगितामा बिहीबार भएको वारियर्स विरुद्धको खेलमा सन्दीपको टिमले आठ विकेटका हार ब्यहोरेको थियो । जसमा सन्दीप निकै महंगो बलर बनेका थिए ।

उनले दुई ओभरमा ४७ रन दिएका थिए । जसमा ७ छक्का खाएका थिए । प्रतियोगितामा ६ विकेट लिएका सन्दीपको टिम केरालाको ५ खेलबाट मात्र तीन अंक रहेको छ ।

प्रमुख समाचार

कर्मचारी

View All