ताजा समाचार

News

निर्मला पन्तको हत्यापछिको अनुसन्धानमा लापर्वाही गर्ने थप २ जना प्रहरी निलम्बनमा

२०७५ असोज २२ सोमबार
image not found

कञ्चनपुर – निर्मला पन्तको हत्यापछिको अनुसन्धानमा लापर्वाही गर्ने थप २ जना प्रहरी निलम्बनमा परेका छन् । निर्मला पन्तको शरीरमा रहेको सुरुवाल पखाल्ने महिला प्रहरी चाँदनी साउद र प्रहरी नायव निरीक्षक हरसिंह धामीलाई निलम्बन गरिएको प्रहरी प्रधान कार्यालयले जनाएको छ । 

उनीहरुले घटनास्थलको अनुसन्धानका क्रममा गम्भीर लापर्वाही गरेको प्रहरी प्रवक्ता शैलेश थापाले जानकारी दिनुभयो । यससँगै निर्मला हत्याकाण्डमा निलम्बित हुने प्रहरीको संख्या ८ पुगेको छ । यसअघि प्रहरी उपरीक्षक डिल्लीराज विष्ट, प्रहरी नायव उपरीक्षक ज्ञानबहादुर सेट्टी, केन्द्रीय अनुसन्धान ब्युरोका प्रहरी नायव उपरीक्षक अंगुर जीसीलगायत ६ जना निलम्बनमा परिसकेका छन् ।

गृहमन्त्रालयका सहसचिव हरीप्रसाद मैनाली संयोजकत्वको टोलीले हिजो सार्वजनिक गरेको प्रतिवेदनमा पनि निर्मला पन्तको बलात्कारपछि हत्या भएको विषयमा प्रहरीले गम्भिर लापर्वाही गरेको जनाएको छ । 

प्रमुख समाचार

कर्मचारी

View All