ताजा समाचार

News

चितवनमा ट्रकको ठक्करबाट एकजनाको मृत्यु, आक्रोशितद्वारा ट्रकमा आगजनी

२०७५ असोज १८ बिहिबार
image not found

चितवन, पूर्वी चितवनमा ट्रकको ठक्करबाट मोटरसाइकलमा सवार एकजनाको घटनास्थलमा नै मृत्यु भएको छ ।

पूर्वबाट नारायणगढतर्फ आउँदै गरेको ना५ख ९८६१ नम्बरको ट्रकले विपरीत दिशाबाट सोही दिशातर्फ जाँदै गरेको ना२८प ७७३४ नम्बरको मोटरसाइकललाई बिहीबार दिउँसो ठक्कर दिएको थियो ।

ट्रकको ठक्करबाट मोटरसाइकल चालक चितवनको खैरहनी नगरपालिका–१, बहेरीचोक बस्ने सउना चौधरीको घटनास्थलमै मृत्यु भएको प्रहरीले जनाएको छ ।

दुर्घटनामा मोटरसाइकलपछाडि सवार उनकी श्रीमती जेनी चौधरी गम्भीर घाइते भएकी छन् । घाइते चौधरीको भरतपुरमा उपचार भइरहेको छ ।

दुर्घटनापछि आक्रोशित स्थानीयले मोटरसाइकललाई ठक्कर दिने ट्रकमा आगजनी गरेका थिए ।

ट्रकका चालकलाई प्रहरीले नियन्त्रणमा लिएको छ । दुर्घटनापछि पूर्वपश्चिम राजमार्ग केहीबेर अवरुद्ध भएको थियो ।

प्रमुख समाचार

कर्मचारी

View All