ताजा समाचार

News

पन्तका हत्यारालाई कारबाहीको माग गर्दै मुख्यमन्त्रीलाई ज्ञापनपत्र

२०७५ असोज १७ बुधबार

कञ्चनपुर – कञ्चनपुरकी निर्मला पन्तका हत्यारालाई कारबाहीको माग गर्दै महिला अधिकारकर्मीले आज प्रदेश ७ का मुख्यमन्त्री त्रिलोचन भट्टलाई ज्ञापनपत्र बुझाउँदैछन् । १३ वर्षकी निर्मला पन्तको हत्या भएको ६८ दिन पुगिसक्दा पनि दोषी पक्राउ नपरेको भन्दै प्रदेश सरकारलाई दबाब दिनका लागि ज्ञापनपत्र बुझाउन लागिएको महिला अधिकारकर्मी सावित्री सुवेदीले बताउनुभयो ।

केही स्थानीय बासिन्दा र महिला अधिकारकर्मी ¥यालीसहित धनगढी पुगेर मुख्यमन्त्रीको कार्यालय घेराउका साथै निर्मलाका हत्यारालाई तत्काल पक्राउ गर्न माग गर्दै मुख्यमन्त्री भट्टलाई ज्ञापनपत्र बुझाइने सुवेदीले जानकारी दिनुभयो । गएको साउन १० गते साथीको घर जान्छु भनेर हिँडेकी पन्तको ११ गते घर नजिकैको उखुबारीमा बलात्कारपछि हत्या भएको अवस्थामा शव भेटिएको थियो । 

घटनाको छानबिनका लागि सरकारले समिति बनाएर प्रतिवेदन प्राप्त गरेपनि दोषीलाई पक्राउ गर्न सकेको छैन । निर्मलाको हत्यामा शंकास्पद मानिएका कञ्चनपुरका तत्कालीन एसपी डिल्लीराज विष्ट, विष्टका छोरा किरण र मेयरका भतिज आयुष विष्टको डिएनए परीक्षण गरे पनि मेल नखाएपछि अनुसन्धान प्रक्रिया नै जटिल बनेको छ । 

प्रमुख समाचार

कर्मचारी

View All