ताजा समाचार

News

नेपालको यु–१९ क्रिकेट टिमको भारतमा लगातार दोस्रो हार

२०७५ भदौ २९ शुक्रबार
image not found

भदौ २९ - 

नेपालको यु–१९ क्रिकेट टिमले भारतमा जारी एकदिवसीय क्रिकेट प्रतियोगितामा लगातार दोस्रो हार व्यहोरेको छ ।

लखनउमा जारी यु–१९ एकदिवसीय क्रिकेट शृंखलाको दोस्रो खेलमा शुक्रबार नेपाललाई भारतको सोही उमेर समूहको ‘ए’ टिमले ८ विकेटले हराएको हो ।

खेलमा पहिले ब्याटिङ गरेको नेपालले ४५ ओभर ५ बलमा अलआउट हुँदै १५६ रन बनाएको थियो । नेपालका सन्दीप जोराले ६६ रन जोड्दा तृतराज दासले ४६ रनको योगदान गरे ।

जवाफमा १५७ रनको सामान्य चुनौती भारतीय टोलीले २४ ओभर १ बलमा २ विकेट गुमाएर पूरा गर्‍यो ।

भारतको जितमा वाइभी राठोदले अविजित ५९ रन तथा प्रभसीरमण सिंहले अविजित ४६ रन जोडे । अनुज रावतले ४७ रनको योगदान गरे ।

यो हारसँगै नेपालको सेमिफाइनल पुग्ने सम्भावना कमजोर भएको छ । समूहको अन्तिम खेलमा नेपालले अफगानिस्तानको सामना गर्नेछ ।

यसअघि, नेपाल पहिलो खेलमा बिहीबार भारतको यु–१९ ‘बी’ टिमसँग ४० रनले पराजित भएको थियो ।

भारतीय क्रिकेट बोर्ड (बीसीसीआइ)को आयोजनामा जारी यु–१९ एकदिवसीय क्रिकेट शृंखलामा भारतका दुई तथा नेपाल र अफगानिस्तानका एक/एक गरी चार टिम सहभागी छन् ।

प्रमुख समाचार

कर्मचारी

View All