ताजा समाचार

News

गौरा पर्व समापन गरिँदै

२०७५ भदौ २२ शुक्रबार
image not found

डडेल्धुरा, भदौ २२ -

प्रदेश ७ र कर्णाली प्रदेशको मौलिक पर्व गौरा आज समापन गरिँदैछ ।

भदौ शुक्ल पञ्चमीदेखि मनाइने गौरा पर्व उमामहेश्वरसहित दुबोको पूजा गरेर समापन गर्न लागिएको हो । गौरा संस्कृतिमा माता पार्वतीलाई गौरा र शिवजीलाई महेश्वरको प्रतिकको विधिवत पूजा गरी पाँच रात राखेर बिसर्जन गर्ने परम्परा छ ।

ग्रामीण क्षेत्रमा गौरा महेश्वरको गीतगाथा गाएर भक्तिभावका साथ भव्य रुपमा गौरा समापन गर्ने गरिन्छ ।

सत्य युगमा हिमालय पुत्री पार्वतीले महादेव स्वामी पाऊँ भनी वर्षा ऋतुको भाद्र महिनामा जल, जंगल, जमिन र जनावरको डर नमानी तपस्या गरेपछि मनोकामना पूरा भएको सम्झनामा यो पर्व मनाउन शुरु गरिएको किंबदन्ती छ ।

प्रदेश ७ र कर्णालाी प्रदेशका अधिकांश स्थानमा आज गौरा विसर्जन गरिने भए पनि डडेल्धुरा सदरमुकाममा आयोजना गरिएको राष्ट्रिय गौरा महोत्सव २०७५ भने भोलिमात्र समापन गर्ने कार्यक्रम छ ।

प्रमुख समाचार

कर्मचारी

View All