ताजा समाचार

News

इन्डोनेसियाको भूकम्पमा ज्यान गुमाउनेको संख्या ३८० भन्दा बढी

२०७५ श्रावण २६ शनिबार
image not found

साउन २६ -

इन्डोनेसियाको लोम्बोक द्वीपमा एक हप्ताअगाडि गएको शक्तिशाली भूकम्पका कारण ज्यान गुमाउनेको संख्या ३८७ पुगेको छ ।

भूकम्पको कारण हजारौं विस्थापित भएका छन् । ती व्यक्ति स्थानीय शरणार्थीस्थलमा बसोबास गर्न बाध्य भएका छन् ।

भूकम्प गएका एक हप्ता बितिसक्दा पनि पीडितलाई खाद्यन्न, औषधि र सफा खानेपानीलगायत सुत्ने स्थानकोसमेत कमी भएको अधिकारीले जानकारी दिएका छन् ।

इन्डोनेसियामा यसै क्षेत्रमा ६.४ म्याग्निच्यूडको भूकम्पमा परी १७ जनाको मृत्यु भएको एक हप्तापछि नै ६.९ म्याग्निच्यूडको अर्को शक्तिशाली भूकम्प गएको हो ।

उद्धारकर्ता भूकम्पको बढी प्रभावित क्षेत्रमा प्रवेश गरेलगतै यो संख्या बढेर ३८७ पुगेको सरकारी अधिकारीले शनिबार जानकारी दिएका छन् ।

यस भूकम्पको केन्द्रविन्दु लोम्बोकबाट १८ किलोमिटर उत्तरपश्चिममा जमिनको सतहबाट करिब १५ किलोमिटर गहिरो रहेको बताइएको छ ।

साथै, यस भूकम्पमा परी करिब १३ हजार व्यक्ति घाइते भएका र दुई लाख विस्थापित भएका राष्ट्रिय प्रकोप नियन्त्रण निकायका प्रवक्ता सुटोपो पुर्वो नुग्रोहोले जानकारी दिएका छन् ।

सन् २००४ डिसेम्बरमा इन्डोनेसियाको सुमात्रामा ९.१ म्याग्निच्यूडको शक्तिशाली भूकम्पपछि सुनामी आएको थियो ।

जसका कारण एक दर्जन तटीय क्षेत्रका दुई लाख ३० हजारभन्दा बढी मानिसको मृत्यु भएको थियो । 

प्रमुख समाचार

कर्मचारी

View All