ताजा समाचार

News

अफगान सेनाको कारबाहीमा १९ जना तालिबान लडाकु मारिए

२०७४ मङ्सिर १ शुक्रबार
image not found

मंसिर १ । अफगानिस्तानको दक्षिणी प्रान्त कान्दाहारमा अफगान प्रहरीले शुक्रबार बिहान गरेको कारबाहीमा परी कम्तीमा १९ जना तालिवान सम्बद्ध सशस्त्र लडाकूहरु मारिएको समाचार छ ।

प्रान्तीय प्रहरी प्रमुख अब्दुल रजाकले शुक्रबार बिहान गरेको कारबाहीमा परी कम्तीमा १९ जना तालिवान सम्बद्ध सशस्त्र लडाकूहरु मारिएका जानकारी दिनुका हुन् ।

कान्दाहार प्रान्तको शहर ए सफा जिल्लामा शुक्रबार बिहान सबेरै सीमा प्रहरी बलले यो कारबाही गरेको थियो ।

यस कारबाहीमा १२ तालिवान आतंककारी घटनास्थलमा नै मारिनुका साथै अन्य ६ घाइते भएका रजाकले सिन्ह्वा समाचार समितिलाई जानकारी दिएका छन् ।

यस कारबाहीको क्रममा प्रहरीले तालिवानको हातहतियारसमेत कब्जा गरेको बताइएको छ । उनीहरु लुकेर बसेको आश्रयस्थलमा यो कारबाही भएको थियो ।

यस क्षेत्रमा सक्रिय रहेका तालिवान आतंककारी समूहले भने यस कारबाहीको विषयमा कुनै टिप्पणी गरेका छैनन् । तालिबानहरुले पछिल्लो समयमा कान्दाहार क्षेत्रमा आतंक मच्चाएको सूचनाको आधारमा यो कारबाही भएको समाचारमा जनाइएको छ ।

गतहप्तामात्र पनि तालिबानहरुले कान्दाहारको एक प्रहरी चौकीमा आक्रमण गरी कैयौं सुरक्षाकर्मीको ज्यान लिएका थिए । सो क्षेत्रमा अहिले प्रहरीले गस्ती बढाएको जनाएको छ । 

प्रमुख समाचार

कर्मचारी

View All