ताजा समाचार

News

सीमामा रहेका बाँधको ढोका खोल्न भारतलाई उपप्रधानमन्त्री महराको आग्रह

२०७४ श्रावण २९ आइतबार
image not found
 
 उपप्रधान तथा परराष्ट्रमन्त्री कृष्णबहादुर महराले नेपाल–भारत सीमाका नदीमा रहेका बाँधको आवश्यक सबै ढोका खोल्नका लागि नेपालस्थित भारतीय राजदूतमार्फत भारत सरकारलाई आग्रह गरेका छन् । उपप्रधानमन्त्री महराले नेपालका लागि भारतीय राजदूत मन्जिभसिंह पुरीलाई शनिबार (आज) टेलिफोनमार्फत बाँधको आवश्यक सबै ढोका खोल्नका लागि भारत सरकारलाई आग्रह गरेका हुन् ।
 
टेलिफोनमा उपप्रधानमन्त्री महराले शुक्रबारदेखि जारी वर्षाका कारण नेपालको तराई क्षेत्र डुबानमा परेको भन्दै भारतीय पक्षले आवश्यकताअनुसार सीमाका बाँधको ढोका खोल्नका पहल गरिदिन आग्रह गर्नुभएको उपप्रधानमन्त्रीको सचिवालयले जनाएको छ ।
 
डुबानका कारण तराईमा जनधनको क्षति भएको तथा जनजीवन पूर्णरुपमा प्रभावित भएकाले थप क्षति हुन नदिन बाँधको ढोका खोल्न आग्रह गरिएको हो ।सप्तकोशी, लक्ष्मणपुरलगायत ब्यारेजको ढोका आवश्यकताअनुसार भारतीय पक्षले नखोलिदिँदा नेपालतर्फ डुबान बढ्दै गएपछि मन्त्री महराले सो आग्रह गरेका हुन् । रासस

प्रमुख समाचार

कर्मचारी

View All