ताजा समाचार

News

विराटनगर जलमग्न, विमानस्थल प्रभावित (तस्वीरसहित)

२०७४ श्रावण २८ शनिबार
image not found
ध्रुव भट्टराई
साउन २८, विराटनगर । 
 
अविरल वर्षका कारण विराटनगरका अधिकांश स्थान डुवानमा परेका छन् । पानीको निकास नहुँदा मुख्य राजमार्गलगायत बजार क्षेत्र नै डुवानमा परेको हो । राजमार्ग क्षेत्र मुनाल पथ महेन्द्र चोकलगायत स्थानका सडक जलमग्न हुँदा जनजीवन प्रभावित भएको छ ।मोरङ प्रहरी प्रमुख अरुण बिसीले हिजो साँझवाट परेको पानी अहिलेसम्म नरोकिँदा विराटनगर क्षेत्र जलमग्न भएको जानकारी दिए । बिसीका अनुसार, विराटनगरका कतिपय स्थानका मानिसलाई उद्धार नै गर्नुपर्ने अवस्था सिर्जना हुन लागेको छ ।
 
पानीका कारण अहिलेसम्म कोही पनि बिस्थापित भने भएका छैनन् । हिजो साँझवाट परेको पानी यथावत रहेकाले प्रहरीले सम्भावित संकटबाट जोगिन सतर्कता बढाएको छ ।
 
विमानस्थल प्रभावित
 
लगातारको वर्षाले विराटनगर–४ स्थित आयल निगमको क्षेत्रीय कार्यालयको अन्दाजी १ सय मिटर कम्पाउण्डवाल भत्किएको छ भने विमानस्थल सुरक्षा गार्ड विराटनगरको भवन पूर्ण रुपमा डुबानमा परेको छ। क्षेत्रीय प्रहरी कार्यालय विराटनगरका अनुसार उक्त स्थानका प्रहरी कर्मचारी विमानस्थलको कार्यालयमा सारिएको छ।

प्रमुख समाचार

कर्मचारी

View All