ताजा समाचार

News

कन्चनपुरमा कुन पार्टीले कहाँ जिते ?

२०७४ असार १६ शुक्रबार
मोहन विष्ट, कञ्चनपुर असार १६ – 
 
कञ्चनपुरका तीन नगरपालिकामा माओवादी केन्द्र, दुईमा नेपाली कांग्रेस र तीनमा नेकपा एमालेले खाता खोलेको छ । निर्वाचन अधिकृतका कार्यालयका अनुसार शुक्रबार पुर्नवास, बेलौरी र शुक्लाफाँटामा माओवादी केन्द्रका वडाध्यक्षका उम्मेदवार विजयी भएका छन् । कञ्चनपुरको पुनर्वास नगरपालिका–४ मा नेकपा माओवादी केन्द्रका वडाध्यक्षका उम्मेदवार प्रेम बस्नेत विजयी भएका छन् ।
 
बस्नेतले आफ्ना निकटतम प्रतिद्वन्दी एमालेका दिप बहादुर तामाङ्गलाई १८ मतले हराउदै विजयी भएका छन् । बस्नेतले ४३९ मत प्राप्त गरेका थिए । सदस्यहरुमा एमालेका उम्मेद्वार गोपाल सुवेदी, विष्णू सुग्देल, पार्वती शाही, टिका सुनार विजयी भएका छन् ।बेलौरीमा माओवादी केन्द्रका रतन बहादुर शाहीको पुरै प्यानल निर्वाचित भएका छन् । शाहीले आफ्ना निकतम प्रतिद्वन्दी एमालेका नवराज शाहीलाई ७१ मतले हराउदै निर्वाचित भएका छन् । माओवादी केन्द्रका शाहीले ४८३ र एमालेका शाहीले ४१२ मत ल्याएका थिए । सदस्यहरुमा हन बहादुर विष्ट, अशोक चौधरी, राम दुलारी राना गिरी, लक्ष्मी खडका (नेपाली) निर्वाचित भएका छन् ।
 
शुक्लाफाँटा ७ मा नेकपा माओवादी केन्द्रका वडाध्यक्षमा उम्मेदवार जगत बहादुर सिह निर्वाचित भएका छन् । उनले आफ्ना निकटमप्रतिद्वन्दी एमालेका मदन धामीलाई ५३मतले हराउदै अध्यक्षमा विजयी भएका हुन् । सिहले ६९९ र धामीले ६४६मत ल्याएका थिए । भने सदस्यमा एमाले उम्मेदवार देवदत्त भट्ट, ओम प्र. चोधरी, बिर साउद र कलावती महर निर्वाचित भएका छन् । भीमदत्त नगर १ मा काँग्रेसको पुरै प्यानल विजयी भएको छ । काँग्रेसका उम्मेदवार आसेफ कुँवर (भुन्टु)ले आफ्ना निकटमत प्रतिद्वन्दी बाबुराम शर्मालाई १६८मतले हराउदै अध्यक्षमा निर्वाचित भएका छन् । कुँवरले ६३७ र शर्काले ४६९मत ल्याएका थिए । भने सदस्यहरुमा काँग्रेसकै उम्मेदवार कालुराम ढगौरा, भोजराज पाण्डे, जानकी धामी र माया सार्की निर्वाचित भएका छन् ।
 
यस्तै लालझाँडी गाँउपालिकामा काँग्रेसले खाता खोलेको छ । २ र ५ मा काँग्रेसले पुरै प्यानल जितेको छ । २ को वडाध्यक्षमा काँग्रेसका हेमराज रानाले आफ्ना निकटमत प्रतिद्वन्दीलाई हराउदै अध्यक्षमा निर्वाचित भएका हुन् । सदस्यहरुमा सिता चौधरी, सुनिता तिरुवा, झेली राना, लाल राना निर्वाचित भएका छन् । भने ५मा काँग्रेसकै नन्दलाल अवस्थी निर्वाचित भएका छन् । उनले आफ्ना निकटतम प्रतिद्वन्दी एमालेका पहिलाद रानालाई १४ मतले हराउदै निर्वाचित भएका हुन् । अवस्थीले ३३६ र रानाले ३२२ मत ल्याएका थिए ।  यस्तै बेल्डाँडी गाउँपालिका–१ र पुनर्वास नगरपालिकामा एमालेको पुरै प्यानल विजयी भएको छ । एमाले वडाध्यका उम्मेदवार अम्मर बहादुर खत्रीको प्यानल विजयी भएको हो । खत्रीले आफ्ना निकटतम प्रतिद्वन्दी माओवादी केन्द्रका एकेन्द्र बहादुर शाहलाई ४८ मतले हराउदै निर्वाचित भएका हुन् ।
 
खत्रीले ५३१ र शाहले ४८६ मत ल्याएका थिए । सदस्यहरुमा गणेश विष्ट, शंकर दत्त भट्ट, गणेश विष्ट, हिरा सुनार, लक्ष्मी भट्ट विजयी भएका छन् । पुनर्वास नगरमा एमालेका प्रताप बहादुर चन्द अध्यक्षमा निर्वाचित भएका छन् । उनले ९६१मत ल्याउदै निर्वाचित भए । सदस्य एमालेकै प्रथम सिह राना, फुर्पा तामाङ्ग, बसन्ती लुहार, सुमित्रा राना निर्वाचित भएका छन् । अन्य नगरपालिकामा मत गणना जारी रहेको छ । महाकाली, भीमदत्तमा काँग्रेसले अग्रता लिएको छ । भने बेदकोट, शुक्लाफाँटा, कृष्णपुर, पुर्नवास र बेल्डाँडी गाउँपालिकामा एमालेले र लालझाँडी, बेलौरी नगरपालिकामा माओवादी केन्द्रले अग्रता लिएको छ ।