ताजा समाचार

News

महाकाली भन्सार कार्यालय झुलाघाटमा राजश्व संकलनमा गिरावट

२०७३ चैत २७ आइतबार
image not found
बैतडी चैत २७
अघिल्लो वर्षको तुलनामा महाकाली भन्सार कार्यालय झुलाघाट बैतडीमा राजश्व संकलनमा गिरावट आएको छ । चालु आर्थिक वर्षको फागुन मसान्त सम्म ६३ लाख ५४ हजार लक्ष्य रहेकोमा ६३ लाख ७७ हजार मात्रै संकलन भएको भन्सार कार्यालयले जनाएको छ । गर्त आर्थिक वर्षमा लक्ष्य भन्दा दोब्बर एक करोड ४४ लाख राजश्व संकलन भएको थियो । आर्थिक वर्षको भाद्र र मंसिर महिनामा राजश्व संकलन लक्ष भन्दा तल झरेको छ ।
 
भाद्रमा ८ लाख ८ हजार राजश्व संकलन गर्ने लक्ष रहेकोमा जम्मा ५ लाख ४ हजार मात्र संकलन भएको थियो त्यस्तै मंसिर महिनामा लक्ष्य भन्दा कम ६ लाख ८ हजार मात्र राजश्व संकलन भएको थियो यस वर्ष सबैभन्दा बढी कात्तिक महिनामा ९ लाख ८३ हजार राजश्व संकलन भएको छ । गएको आर्थिक वर्षमा भारतीय नाकाबन्दीका कारण देशका अन्य नाका बन्द हुदा माहाकाली भन्सार अन्र्तगतका नाकाबाट समान गएका कारण राजश्व बढी संकलन भएको माहाकाली भन्सार कार्यालय झुलाघाटका निमित्त भन्सार अधिकृत दिल्लीराम सुवेदीले बताउनुभयो ।
 
सबैभन्दा बढी राजश्व उठ्ने सिमेन्ट अहिले नेपालबाटै आएने भएकाले पनि राजश्वमा गिरावट आएको उहाँको भनाई छ । अहिले बैतडीको झुलाघाट र दार्चुलाको धार्चुला नाकाबाट बढीजसो जुत्ता चप्पल, गुड, सिमेन्ट र कपडा लगायतका समाहरु निर्यात हुने गर्दछन् । आधिकारीक रुपमा बैतडीको झुलाघाटबाट सामान आयात निर्यात भएपनि तल्लो स्वराड क्षेत्रका विभिन्न घाटहरुबाट पनि सामान आयात हुने गरेको छ ।
 

प्रमुख समाचार

कर्मचारी

View All