ताजा समाचार

News

पत्रकार लामालाई ज्यान मार्ने धम्की

२०७३ चैत १३ आइतबार
image not found
बिमल धामी
 चैत्र १३, कञ्चनपुर ।
जिल्लाको दक्षिणी क्षेत्र पुनर्वासमा बिगत ७ वर्षदेखि पत्रकारिता गर्दै आएका रञ्जित लामालाई एक्कासी ज्यान मार्ने धम्की आएको छ ।समाचारको विषयलाई लिएर पत्रकार लामालाई शुक्रवार फोनबाट ज्यान मार्ने धम्की आएको हो । 
धम्की दिने पुनर्वास नगरपालिका–१२, आई.बी.आर.डी. की अन्दाजी ४० वर्षीय काली भनिने सुकमाया मोक्तान रहेका छन् । पत्रकार लामाले आफुलाई शुक्रबार ९८०९४६११६१ नम्बरको मोवाईलबाट मोक्तानले ज्यान मार्ने धम्की दिएको बताए । ‘मलाई मोक्तानले यो टेलिफोन नम्बर प्रयोग गरेर पुनर्वास आए ज्यान मार्ने धम्की दिइकी हुन्, ‘उनले भने, ‘म कानूनी प्रकृयामा जान्छु ।
पत्रकार लामाले आफ्नो ज्यानको सुरक्षाका लागि पत्रकार महासंघ कञ्चनपुरलाई आईतबार ध्यानाकर्षण गराउँदै मोक्तानबिरुद्ध जिल्ला प्रहरी कार्यालयमा उजुरी दर्ता समेत गरेका छन् । 
नेपाल पत्रकार महासंघ कञ्चनपुरका सदस्य समेत रहेका पत्रकार लामाले पत्रकार महासंघ कञ्चनपुर शाखामा ज्यान मार्ने विषयमा निवेदन दिएपछि महासंघ कञ्चनपुरले समेत घटनामा गम्भीर भएको जनाएको छ ।
 
नेपाल पत्रकार महासंघ कञ्चनपुरका अध्यक्ष विष्णू अवस्थीले समाचारकै विषयलाई लिएर पत्रकारलाई ज्यान मार्ने धम्की दिनु गलत भएको टिप्पणी गर्दै समाचारमा केही त्रुटी भए सम्बन्धित पत्रकार र सञ्चार माध्यम बिरुद्ध सम्बन्धित निकायमा कार्बाहीका लागि उजुरी दिन सकिने प्रावधान भएपनि पत्रकार लामालाई फोन मार्फत धम्की दिने कार्यको महासंघ घोर बिरोध गर्दछ ।’ उनले भने, ‘कानून हुँदा हुँदै कानुनको बिरुद्धमा जाने जो सुकैलाई पनि कार्बाही गर्नुपर्छ ।’
 
उनले भने हेलो पुनर्वास साप्ताहिकका सम्पादक÷प्रकाशक र सेती समाचार दैनिक धनगढीका कार्यकारी सम्पादक समेत रहेका लामाको घर पनि पुनर्वास नगरपालिका–१२, आई.बी.आरडी. मै हो । जिल्ला प्रहरी कार्यालय कञ्चनपुरका प्रवक्ता डिएसपी नैनसिंह कार्कीले पत्रकार लामालाई धम्की दिने बिरुद्ध कार्बाही थालिने बताए । डिएसपी कार्कीले दोषीलाई कार्बाही गरिने बचन दिए ।
 

प्रमुख समाचार

कर्मचारी

View All