ताजा समाचार

News

अमेरिकी कम्पनीले गान्धीको तस्बिर भएको चप्पल बनाएपछि भारत रुष्ट

२०७३ माघ ४ मंगलबार
image not found

माघ ३ – भारतीय स्वतन्त्रताका प्रतीक महात्मा गान्धीको तस्बिर भएको चप्पल अनलाइन सप अमेजनमा सार्वजनिक भएपछि भारत रुष्ट भएको छ । भारतको राष्ट्रिय झण्डा भएको डोरम्याट बेच्न बन्द गनुपर्ने आवाज उठेको केही दिनमै गान्धीको तस्बिर भएको चप्पल पनि सार्वजनिक भएको हो ।  

गएको बुधबार आफ्नो राष्ट्रिय झण्डा भएको डोरम्याट बेच्न बन्द गर्नुपर्ने र माफी माग्नुपर्ने भन्दै भारतले आवाज उठाएको थियो । डोरम्याटमा राष्ट्रिय झण्डा प्रयोग भएको बारे भारतीय विदेश मन्त्री सुष्मा स्वराजले कम्पनी विरुद्ध कडा रुपमा प्रस्तुत हुने धम्की दिएकी थिइन् । अमेजनले आफ्नो साइटबाट डोरम्याट बिक्रीका लागि हटाएपनि फेरि गान्धीको तस्बिर भएको चप्पल ल्याएको डेली मेलमा खबर छ ।

समाचार साइट अलजजिराका अनुसार आइतबार बिहानसम्म अमेजनको साइटमा उक्त डोरम्याट उपलब्ध थियो । भारतीय जनतको संवेदनशीलता र भावनाको सम्मान हुनपर्ने भारतको माग छ । अमेजनको साइटमै पनि धेरै जनाले अरुको संवेदनामाथि खेलबाड गर्दै त्यस्ता सामग्री बिक्रीका लागि राख्नु गलत भएको प्रतिक्रिया दिएका छन् । 

‘अमेजनको लज्जास्पद काम, पहिले भारतको राष्ट्रिय झण्डा अनि अहिले महात्मा गान्धी’ एकजनाले प्रतिक्रिया दिएका छन् । यस्तै अर्काले लेखेका छन्, ‘तपाइँ आफ्नो चप्पलमा आफ्ना बा र हजुरबाको तस्बिर राखेर लगाएको सम्झनुस्, कति सजिलो हुन्छ त्यस्तो लगाउन ? त्यसले कस्तो खाले सम्मान र स्नेह मिल्छ ?’

गान्धीको तस्बिर छापिएको चप्पलको मूल्य झण्डै १७ अमेरिकी डलर राखिएको छ । त्यसको विज्ञापनमा लेखिएको छ, ‘प्रोफेसनल्ली प्रिन्टेड’ ‘एकदमै राम्रो देखिएको छ, तपाइँको मुहारमा खुसी ल्याउँछ ।’

प्रमुख समाचार

कर्मचारी

View All